Joxerra Gartziaren perla

Joxerra Gartzia, Jendaurrean hizlari. Alberdania. 2008 (hitzaurrean irakurleari berbetan, 23. orrialdean)

“Jendaurrean hizlari” lanaren hitzaurrean aurkitu duguna irakurri nahi?

“Esan dizut ez dakidala ezer askorik zutaz. Emakume edo gizonezkoa zaren ere ez dakit, baina, egia esan, bost axola dit niri horrek, euskaraz ari naiz eta. Alde horretatik, sekulako abantaila du euskarak, behin behar eta, albo-erdara handi-mandien aldean, zuka ari garela ez baitugu mintzakidea sexuaren arabera bereizten. Ingelesa baino ere jatorragoa da horretan euskara, pentsa. Gaztelaniaz idatzi behar banu, testu guztia “a” / “o” zatarrez edo izen abstraktu motelez josi beharko nuke, edo, are okerrago dena, etengabe jardun beharko nuke sexua –barkatu, generoa- estaltzen, paradisuko harako mahats-hosto “mitiko” haren ordez a-bildua harturik lotsa-estalgarritzat.”

Advertisements